移民芬蘭做廚房工時短、年假多港女：終於感受到咩叫生活！

正在閱讀
移民芬蘭做廚房工時短、年假多港女：終於感受到咩叫生活！

用 App 開啟

文: Joan Wong

2021.09.29

香港打工仔工作時數一向冠絕全球，今年更蟬聯「世界最勞累城市」，身心疲倦程度可想而知。有位香港女生於Facebook群組投稿分享，嫁到芬蘭後於當地做酒店廚房工，本來在香港返足7日的她深深體會到「終於感受到咩叫做生活！」。

Facebook群組「奴工處」早前收到一位女生投稿，以前在香港正職牙醫助護、假日做飲食業炒散，返足7日。自兩年前嫁到芬蘭後，利用政府資助學習芬蘭語以及於酒店廚房做實習，才得知當地做廚房工實行5天工作，每週只做38小時。年假方面，做滿一年可獲30日；做滿兩年更增至37日。相比香港的工時及福利，難怪她忍不住高呼好爽：「終於感受到咩叫做生活！」

有不少網民都表示香港與外國文化不同，外國著重work-life balance，「北歐文化真係注重work-life balance and mental health嘛。亞洲人仲係覺得mental illness = laziness.」，所以紛紛表示羨慕這位女生，更噓唏慨嘆：「香港叫做奴隸外國先叫生活」、「淨係OT時數都多過你個返工時數」。雖然大家都想有work-life balance，但有網民無奈表示：「唔做多啲，唔夠生活」，更有從事飲食業的網民分享自己過去的工作情況，每週工時達72小時（6天工作，每日12小時）、無病假、無OT補水、無補假，遲到扣勤工，只有7日年假，非常苛刻。