日本旅遊攻略
2021.01.15
去澳門掃街，除了大三巴一帶旅遊區外，發掘地道美食，祐漢街市熟食中心便是一個不可錯過的覓食好去處。當中大件夾抵食的美食，加上設2及3樓的室內地方，勁易搵位，大受澳門當地人歡迎。以下介紹人均用$60可以買到幾多美食啦！
點擊圖片放大
人龍店抵食煎餃：文記美食
一去到熟食中心，看到煎餃店排長龍，招牌的煎餃MOP$20 /8隻，分韮菜及白菜兩款口味。餃子全部人手包製，大大粒脹卜卜， 煎到金黃香脆，白菜脆口，韮菜則比肉重味，新鮮熱辣辣。加上自製的辣醬，更加惹味。
文記美食
檔號：3-07
營業時間：9am-6pm
30年老字號豬手麵：其記
超過30年的老字號麵店，如車仔麵形式有齊鳳爪、餛飩、雞翼、豬紅等料，淨麵MOP$$15 、MOP$單料$24、雙料MOP$$34。必食有豬手餛飩瀨粉MOP$35，豬手入味軟腍不散，脆嫩有咬口。加上餛飩，內有鮮蝦、豬肉，非常足料。另一人氣有布拉雞蛋腸粉MOP$17，即叫即做，腸粉有陣陣蛋香，加了蛋的腸粉質感仍然很滑。
其記
檔號：3-13
營業時間：7am-6pm
多款特色炸物：成記油炸美食
成記油炸美食主打多款炸物小食，除一般煎釀三寶外，更有雞皮、咖喱角、雞腎、蟹子丸等，共24款款式任揀。MOP$36有齊雞串、煎釀三寶、芝心丸、炸餛飩。必食推介有芝心丸，一咬爆出芝士流心，香口滋味。
成記油炸美食
檔號：3-05
營業時間：12nn -7:30pm
香滑豆花:豆腐佬美食
最後不要錯過豆腐花作甜品，豆腐花MOP$7，有冷熱選擇，熱食豆香更突出。
豆腐佬美食
檔號：2-03
總計豬手餛飩瀨粉MOP$35、手拉雞蛋腸粉MOP$17、一碗豆腐花MOP$7、煎餃MOP$20、炸物MOP$36，有齊主食、小食及甜品，二人份量剛剛好$115，人均不需MOP$60就可以食飽！
來源：IG@apple_orange_banana
UTravel熱門旅遊話題
test kkday｜珠海水上樂園3大推介：必玩設施、必看表演、交通指南一文看清！↓
最近不少港人喜愛北上消費，而鄰近於香港的珠海更是方便，受到極多港人喜愛。珠海作為著名的海濱旅遊城市，以島嶼與海灣聞名。而炎炎夏日就當然最適合玩水啦～以下小編將為大家介紹 3 大珠海水上樂園，讓大家過一個刺激好玩又涼爽的夏日吧！
最近不少港人喜愛北上消費，而鄰近於香港的珠海更是方便，受到極多港人喜愛。珠海作為著名的海濱旅遊城市，以島嶼與海灣聞名。而炎炎夏日就當然最適合玩水啦～以下小編將為大家介紹 3 大珠海水上樂園，讓大家過一個刺激好玩又涼爽的夏日吧！
