「士多啤梨王國」香川縣！揀選超甜士多啤梨3大秘訣！

2020.02.07

香川縣陽光充足、日照時間長，加上宜人氣候，縣內出產的水果非常高質，仲係日本「士多啤梨王國」之一！香川縣培育出來的士多啤梨品種繁多，當中以「讚歧公主」最受歡迎，最具人氣！而在香港有直航航班飛抵位於香川縣的高松市，就有可即場任摘任食的士多啤梨農園，以下教你3大秘訣，等你於有限時間內極速揀選超甜士多啤梨，比在香港花幾百元買一盒更新鮮香甜！讀到最尾，仲送你自駕遊優惠資訊，可以免費升級車種！

士多啤梨點揀好？

日本人做事仔細，連食士多啤梨都有好多學問，想揀靚靚士多啤梨，以下3點，你一定要識！

1.士多啤梨椗上的葉

可以的話，盡量揀選綠萼葉子翹起的，代表該士多啤梨水份充足，愈香甜！唔信？將翹起綠葉的士多啤梨放在家一兩天後再查看，葉子就會向下垂了。

2.形狀

究竟尖尖長長的完美形狀較好吃，還是奇奇怪怪、肥肥圓圓的較甜呢？一般來說，士多啤梨的糖份分布都集中在尖端位置，愈靠近椗，糖份分布也愈低。所以擁有多於一個椗的士多啤梨，代表熟成的部份比較多，也比較甜！

3.大小

大粒的士多啤梨，需要較多時間來熟成，所以味道也會更濃縮，更甜！

香川縣人氣士多啤梨品種一覽

睇完揀士多啤梨Tips，好想立即去「實戰」即摘即食哩？士多啤梨王國香川縣所栽培的士多啤梨品種眾多，當造季節亦有不同，即睇不同品種特色，5月前飛一轉去放題啦！

・讚歧公主（さぬきひめ）

香川縣自家品種，甜度約為12度（最高為19度），口感偏柔軟Juicy，形狀圓潤，香氣清新，酸甜平衡，在國內擁有極高人氣！

・四星（よつぼし）

甜味、酸味、果香均濃郁的品種。果肉、果芯皆呈鮮紅色，酸味較淡，入口會感受到陣陣甜味。

・幸之香（さちのか）

酸甜度比較平衡，恰到好處。果肉豐滿爽實，顏色呈深紅色。

¥1,800任摘任食@高松市Sky Farm

香港有得直飛嘅高松市，就有士多啤梨園「Sky Farm」，為咗種出外表靚、香甜又Juicy的士多啤梨，會將士多啤梨吊在半空來種，令士多啤梨所受的壓力減至最低！還會調節溫度拉大晝夜溫差，讓士多啤梨顔色更鮮紅飽滿！

INFO

Sky Farmスカイファーム

地址：香川縣高松市飯田町656-1
交通：JR予讃線鬼無站起步行約20分鐘
40分鐘任摘任食體驗：即日起至2020年5月17日（逢星期一休園）
價錢：¥1,800、6歲至12歲¥1,500、3歲至5歲¥900、2歲以下免費
網址：www.skyfarm.jp
註：可供採摘的士多啤梨品種視乎當季收成而定

自駕遊最方便！免費升級車款 + 送士多啤梨甜品 + 送伴手禮

不論三五知己、家庭出遊，自駕都一定係最方便，行程自主，想停幾耐都得！Heisei租車公司仲推出咗「摘士多啤梨」自駕套餐，即睇以下優惠！官方網站仲可以用繁體中文預約，立即出發啦！

1.車種免費升級！

・租用「W2等級」多功能休旅車VOXY，可升級至「W3等級」的豪華休旅車ALPHARD；

・租用「S1等級」小型家庭用車VITZ，可升級至「S2等級」家庭用車COROLLA FIELDER

2.到訪士多啤梨農園SKY FARM的旅客，每人可獲士多啤梨雪糕1客

3.在SKY FARM採摘士多啤梨，影相打卡並share到Facebook或Instagram，即可獲特製士多啤梨年輪蛋糕！

INFO

HEISEI CAR RENTALS

網址：https://www.heisei-car.jp/global/tw/ichigo.php

走入四國門戶！玩盡食盡香川縣！

自從香港開通了來往香港至香川縣高松的直航航線（每星期5班），愈來愈多旅客來到這個「四國門戶」，高松市不只是通往四國各縣的大門，附近景點也有排玩：到瀨戶內海跳島，觀賞大師級藝術品和建築，在小豆島尋找日本一的橄欖，還可品嘗以小豆島橄欖渣作飼料的「橄欖牛」！至於貓奴們，也不要錯過到不同貓島探望主子！最後，當然要買幾包讚歧烏冬回家做手信！

想知道更多香川縣最新情報，歡迎瀏覽以下網頁！

香川縣官方Facebook：https://www.facebook.com/visit.kagawa.japan/

香川縣官方Instagram：https://www.instagram.com/visitkagawa/

香川縣觀光協會網站：https://www.my-kagawa.jp/zh_TW/ritsurin/

資料由客戶提供

熱門搜尋: